Estraeskolarra: IGERIKETA
Igeri egiten eta uretan ondo moldatzen ikasi nahi duten haur guztiek dute tokia Estadioren Igeriketa Eskolan. Bertako langileei, igerileku klimatizatuei eta eskura ditugun materialei esker zure seme-alabak modu seguruan, gustura eta pozik ibiliko dira uretan.
Bi eta bost urte bitarteko haurren kasuan uretara moldatzen eta ingurunea ezagutzen jarraituko dute. Etapa horretan haurrak ingurune urtarra gune dibertigarri eta segurutzat hartzea nahi dugu, aurrerago igeriketa-irakaskuntza errazagoa eta eramangarriagoa izan dadin. Bi eta hiru urteko haurrek gurasoekin edo konfiantzazko pertsona batekin batera aritzen dira oraindik ere. Lau urtetik aurrera, berriz, gai dira begiraleen laguntzarekin bakarrik ikasteko, eta modu horretan uretan autonomoak izatea lortzen dute.
Igeriketa-irakaskuntzaren teoriak bi oinarri nagusi ditu, bakoitza bere helburuekin:
- Igeriketaren oinarriak: helburu nagusia uretan bizirautea da, eta horrekin batera ingurunea ezagutzea, bertan flotatzea, arnas egitea eta propultsioa.
- Igeriketa-gaitasunak: helburu nagusia ingurune urtarra menperatzea da, igeri egiten jakitea, batetik bestera mugitzea, objektuak jaso eta botatzea, bueltak ematea eta jauziak egitea.
"Hasberriak" eta "Loinak" esaten diegu etapa hauei eta bakoitzak lau maila hartzen ditu. Etapa bakoitzak bere igerilekua
du, ikasleen beharretara egokituta dagoena. Guztira zortzi maila dira eta partaideak sakonera gutxiko igerilekutik hasi
eta 25 metro luze den igerileku sakonera igarotzen dira.